Kokuvil: Mahindha chinthanava

Monday, 16 February 2009

Mahindha chinthanava

வெள்ளை வானில் போனவன்

கறுப்பு வானில் வந்தான்

கருத்துத் தெரிவித்தவன்

காணாமற் போனோர் பட்டியலில்

பாதுகாப்பு வலயத்தில்

யுத்த வலயத்தைவிடஅதிக கொலைகள்

இந்திய பலம் இணைந்த

மஹிந்த சிந்தனை

புரிகிறதா உங்களுக்கு

No comments:

Post a Comment

Give us your comments about our articles concisely and lucidly

கவிதை - மண்வாசனை

திருமலைக்கு போகதேடி - அங்கு
சுடும் கிணறு ஆறிப்போகும்.
மட்டு நகர் போகதேடி - அங்கு
பாடும் மீன்கள் பாட மறுக்கும்
கதிரமலை போகதேடி - அங்கு
வள்ளி மயில் பொறாமை கொள்ளும்

சந்நிதிக்குப் போகதேடி - அங்கு
தொண்டமனாறு புளித்துப்போகும்
நிலாவரைக்குப் போகதேடி - அங்கு
ஆழ் கிணறு வற்றிப்போகும்
மன்னாருக்குப் போகதேடி - அங்கு
கருவாடு மீனாய்த் துள்ளும்.

மருதடிக்குப் போகதேடி - அங்கு
கணேசன் திரும்பி நிற்பான்
கீரிமலை போகதேடி - அங்கு
மனித முகம் குதிரையாகும்
வன்னிக்குப் போகதேடி - அங்கு
செல்லடிகள் பூவாய் உதிரும்.

கவிதை - விழுந்தது

எட்டுப் பரப்பில் ஒரு தோட்டம்
சித்தர் நடராசர் மகள் வீட்டுக்கும்
சின்னத்துரை தம்பி வீட்டுக்கும்
நட்ட நடுவில் பசுமையாக.
தம்பி வீட்டில் தம்பியின்
தானைத் தளபதிகளில் ஒருவன்.
உளவுத்துறைத் தகவல்.
உண்மையான தகவல்
பட்டப்பகலில் விண்ணிலிருந்து
விழுந்தது ஒரு குண்டு
இலக்கு அந்தத் தளபதிதான்
முற்றத்தில் விளையாடிய
நடராசர் பேரன்.
வயது ஒன்பது
உடல் வேறு
தலை வேறானான்
விழுந்தது தம்மமா?

பெயர்ந்த புலம்

அலாரம் அலற
அதிகாலை துயிலெழுந்து
சாளரம் வழியே
சற்றே பார்த்தேன்,
பெயர் தெரியாத பறவை ஒன்றுபறந்து சென்றது.
பெயர் தெரியாத மரம் ஒன்று
பெரிதாகப் பூத்திருந்தது.
பெயர் தெரியாத பக்கத்துவீட்டுக்காரன் கையசைத்துச் சென்றான்.
அவன் சென்றது 2004 make Ford Mondeo car.